ಮುಂಬಯಿ: ಜಾಗತಿಕ ಮಾರುಕಟ್ಟೆಯಲ್ಲಿ ಮಂದಗತಿ ಚಟುವಟಿಕೆ ಮತ್ತು ಜ್ಯುವೆಲ್ಲರ್‌ಗಳಿಂದ ಬೇಡಿಕೆ ಕುಸಿದ ಪರಿಣಾಮ 10 ಗ್ರಾಂ ಚಿನ್ನದ ದರ ಶುಕ್ರವಾರ 360 ರೂ. ಇಳಿಕೆಯಾಗಿದೆ. ಬೆಳ್ಳಿ(.999 ಫೈನ್‌ನೆಸ್‌) ಸಹ 360 ರೂ. ಕಡಿಮೆಯಾಗಿದ್ದು, 42,290 ರೂ. ತಲುಪಿದೆ. ಗುರುವಾರ 42,650 ರೂ. ನಿಗದಿಯಾಗಿತ್ತು. ಚಿನ್ನದ ದರವು ಜಾಗತಿಕ ಮಟ್ಟದಲ್ಲಿ ಮೂರು ವಾರಗಳಲ್ಲಿನ ಗರಿಷ್ಠ ಮಟ್ಟಕ್ಕೆ ಇಳಿಕೆಯಾಗಿದೆ. ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಅವರು, ಡಾಲರ್‌ ಉತ್ತೇಜಿಸುವ ನಿಟ್ಟಿನಲ್ಲಿ ತೆರಿಗೆ ನೀತಿ ಪ್ರಕಟಿಸುವುದಾಗಿ ಭರವಸೆ ನೀಡಿದ್ದಾರೆ. ಇದೂ ಸೇರಿದಂತೆ ಜಾಗತಿಕ ಪರಿಣಾಮಗಳು ಚಿನ್ನದ ದರ ಇಳಿಕೆಗೆ ಕಾರಣವಾಗಿವೆ. ಶುದ್ಧ ಚಿನ್ನದ ದರ(99.5 ಶುದ್ಧತೆ) 360 ರೂ. ಇಳಿಕೆಯಾಗಿ 29,045 ರೂ. ಮುಟ್ಟಿದೆ. ಶೇ.99.9 ಶುದ್ಧತೆಯ ಚಿನ್ನವು 29,195 ರೂ. ಗೆ ಸ್ಥಿರವಾಗಿದೆ. ಗುರುವಾರ 29,555 ರೂ. ದಾಖಲಾಗಿತ್ತು.
↧
ಚಿನ್ನದ ದರ 360 ರೂ. ಇಳಿಕೆ
↧