ವಿದೇಶಿ ವೆಬ್‌ಸೈಟ್‌ಗೂ ಅನ್ವಯ ಹೌದು, ಮೇಲ್ಕಂಡ ಸೇವೆಗಳಿಗೆ ಇನ್ನು ಮುಂದೆ ನಿಮ್ಮ ಬಿಲ್‌ಗೆ ಶೇ.15ರಷ್ಟು ಸೇವಾ ತೆರಿಗೆ ಸೇರಿಕೊಳ್ಳಲಿದ್ದು, ಡಿ.1ರಿಂದ ನಿಯಮ ಅನ್ವಯವಾಗಲಿದೆ. ಅಂದಹಾಗೇ ದೇಶೀಯ ವೆಬ್‌ಸೈಟ್‌ಗಳಲ್ಲಿ ಸಿನಿಮಾ, ಮ್ಯೂಸಿಕ್ ಅಥವಾ ಇ-ಬುಕ್‌ಗಳನ್ನು ಖರೀದಿಸಿ ಡೌನ್‌ಲೋಡ್‌ ಮಾಡಿಕೊಂಡಾಗ ಶೇ.15ರಷ್ಟು ಸೇವಾ ತೆರಿಗೆ ಈಗಾಗಲೇ ಸೇರಿಕೊಳ್ಳುತ್ತಿದೆ. ಆದರೆ, ವಿದೇಶಿ ವೆಬ್‌ಸೈಟ್‌ಗಳು ಈ ತೆರಿಗೆಯಿಂದ ಇಷ್ಟು ದಿನ ತಪ್ಪಿಸಿಕೊಂಡಿದ್ದವು. ಹೀಗಾಗಿ ಹೆಚ್ಚಿನ ಗ್ರಾಹಕರು ಈ ಜಾಲತಾಣಗಳನ್ನೇ ನೆಚ್ಚಿಕೊಂಡಿದ್ದರು. ವಿದೇಶಿ ವೆಬ್‌ಸೈಟ್‌ಗಳಿಗೆ ಭಾರತದಲ್ಲಿನ ಸರಕಾರ, ಸ್ಥಳೀಯ ಆಡಳಿತಗಳು ವಿಧಿಸುವ ತೆರಿಗೆಗಳು ಅನ್ವಯವಾಗುತ್ತಿರಲಿಲ್ಲ. ಆದರೆ, ಅಚ್ಚರಿಯ ಬೆಳವಣಿಗೆಯಲ್ಲಿ ಕೇಂದ್ರೀಯ ಅಬಕಾರಿ ಮತ್ತು ಸುಂಕ ಮಂಡಳಿ(ಸಿಬಿಇಸಿ) ಮೊದಲಿದ್ದ ವಿನಾಯಿತಿಯನ್ನು ತೆರವುಗೊಳಿಸಿದ್ದು, ಸೇವಾ ತೆರಿಗೆ ಏರುವ ಸಂಬಂಧ ನ.9ರಂದು ಅಧಿಸೂಚನೆಗಳನ್ನು ಹೊರಡಿಸಿದೆ. ಆನ್‌ಲೈನ್‌ ಮಾಹಿತಿ ಮತ್ತು ಡೇಟಾಬೇಸ್‌ ಮತ್ತಿತರ ಸೇವೆಗಳಿಗೆ ಸಂಬಂಧಿಸಿದ ಸೇವಾ ತೆರಿಗೆ ಕಾನೂನುಗಳಿಗೆ(ಪಿಪಿಎಸ್‌ಆರ್‌) ತಿದ್ದುಪಡಿ ತರಲಾಗಿದ್ದು, ಹೊಸ ನಿಯಮವನ್ನು ಜಾರಿಗೊಳಿಸಲಾಗಿದೆ. ಹೀಗಾಗಿ ನಿಮ್ಮ ಬಿಲ್‌ಗಳು ಏರಿಕೆಯಾಗುವುದು ನಿಶ್ಚಿತ. ''ಭಾರತದಲ್ಲಿ ಡೌನ್‌ಲೋಡ್‌ ಆಗುವ ಎಲ್ಲ ಸೇವೆಗಳಿಗೂ ಸೇವಾ ತೆರಿಗೆ ಅನ್ವಯವಾಗುತ್ತದೆ. ಜಾಹೀರಾತು, ವೆಬ್‌ ಚಂದಾದಾರಿಕೆ, ಕ್ಲೌಡ್‌ ಹೋಸ್ಟಿಂಗ್‌, ಮ್ಯೂಸಿಕ್, ಇ-ಬುಕ್ಸ್‌ ಮತ್ತು ಗೇಮ್‌ಗಳು ಸೇರಿದಂತೆ ವಿದೇಶಿ ಕಂಪನಿಗಳು ಒದಗಿಸುವ ಸೇವೆಗಳ ಮೇಲೆ ಹೊಸ ನಿಯಮವು ಪರಿಣಾಮ ಬೀರಲಿದೆ,'' ಎಂದು ಪರೋಕ್ಷ ತೆರಿಗೆ ತಜ್ಞ ಸುನಿಲ್‌ ಅಭಿಪ್ರಾಯಪಟ್ಟಿದ್ದಾರೆ.
ಮುಂಬಯಿ: ಮುಂದಿನ ಸಲ ವಿದೇಶಿ ವೆಬ್‌ಸೈಟ್‌ಗಳಲ್ಲಿ ನೀವು ಮ್ಯೂಸಿಕ್ ಅಥವಾ ಇ-ಬುಕ್‌ ಡೌನ್‌ಲೋಡ್‌ ಮಾಡಿಕೊಂಡರೇ ಅಥವಾ ವಿದೇಶಿ ವೆಬ್‌ಸೈಟ್‌ಗಳಿಂದ ಕ್ಲೌಡ್‌ ಸ್ಟೋರೇಜ್‌ ಸೇವೆಯನ್ನು ಬಯಸುವಿರಾದರೇ, ಶೇ.15ರಷ್ಟು ಹೆಚ್ಚುವರಿ ತೆರಿಗೆ ಪಾವತಿಸಲು ಸಜ್ಜಾಗಿ!
↧
ಮ್ಯೂಸಿಕ್, ಇ-ಬುಕ್‌ಗೆ ಶೇ. 15 ಸೇವಾ ತೆರಿಗೆ
↧