ಇವುಗಳ ಹೊರತಾಗಿ ಸದ್ಯ ಶೂಟಿಂಗ್‌ನಲ್ಲಿ ತೊಡಗಿಸಿಕೊಂಡಿರುವ ಧನುಷ್‌ರ 'ವಡಾ ಚೆನ್ನೈ' ಹಾಗೂ ಮತ್ತೆರೆಡು ದೊಡ್ಡ ತೆಲುಗು ಸಿನಿಮಾಗಳು ಸಮಂತಾ ಲಿಸ್ಟ್‌ನಲ್ಲಿವೆ. ಖಂಡಿತವಾಗಿ ಸಮಂತಾ, 2016ರ ದಕ್ಷಿಣದ ಸ್ಟಾರ್ ಹಿರೋಯಿನ್ ಎಂದು ಕರೆಸಿಕೊಳ್ಳಲಿದ್ದಾರೆ ಎಂದು ಅವರ ಅಭಿಮಾನಿಗಳು ಬೀಗುತ್ತಿದ್ದಾರೆ.
ದಕ್ಷಿಣದ ಸ್ಟಾರ್ ಹಿರೋಯಿನ್‌ಗಳ ಸ್ಪರ್ಧೆಯಲ್ಲಿರುವ ಸಮಂತಾ, 'ವರ್ಷದ ಹಿರೋಯಿನ್' ಆಗುವ ಎಲ್ಲಾ ಸಾಧ್ಯತೆಗಳಿವೆ. ಇದೀಗ ಬಂದಿರುವ ಮಾಹಿತಿಯ ಪ್ರಕಾರ ಈ ಬೇಸಿಗೆಯಲ್ಲಿ ಅವರು ನಾಯಕಿಯಾಗಿ ನಟಿಸಿರುವ ನಾಲ್ಕು ದೊಡ್ಡ ಸಿನಿಮಾಗಳು ತೆರೆಕಾಣಲಿವೆ! ಮುದ್ದು ಮುಖದ ನಟಿಯ ಅಭಿಮಾನಿಗಳು ಈಗಾಗಲೇ ಆಕೆಯ ನಂ.1 ಸ್ಥಾನದ ಬಗ್ಗೆ ಲೆಕ್ಕಾಚಾರ ಹಾಕುತ್ತಿದ್ದಾರೆ. ಏಪ್ರಿಲ್ 14ರಂದು ವಿಜಯ್ ಜತೆಗೆ ಆಕೆ ನಟಿಸಿರುವ 'ಥೇರಿ' ತಮಿಳು ಚಿತ್ರ ತೆರೆಕಾಣಲಿದೆ. ಇದಾಗಿ ಕೆಲವೇ ದಿನಗಳಲ್ಲಿ ಸೂರ್ಯ ಜತೆಗಿನ '24' ಥಿಯೇಟರ್‌ಗೆ ಬರುತ್ತದೆ. ಸರಿಸುಮಾರು ಇದೇ ವೇಳೆಯಲ್ಲಿ ಅವರ ತೆಲುಗು-ತಮಿಳು ದ್ವಿಭಾಷಾ ಸಿನಿಮಾ 'ಬ್ರಹ್ಮೋತ್ಸವಂ' ಬಿಡುಗಡೆ. ಈ ದ್ವಿಭಾಷಾ ಸಿನಿಮಾ ಹೀರೋ ಮಹೇಶ್ ಬಾಬು ಎನ್ನುವುದು ವಿಶೇಷ! ಇದಾಗಿ ಒಂದು ತಿಂಗಳಲ್ಲೇ ನಿತಿನ್ ಜತೆಗಿನ 'ಅ...ಆ...' ತೆಲುಗು ಚಿತ್ರ ರಿಲೀಸ್ ಆಗಲಿದೆ.