ಕನ್ನಡದ ಹಳೆಯ ಚಿತ್ರಗಳಿಗೆ ಮತ್ತೆ ಡಿಮಾಂಡ್ ಕ್ರಿಯೇಟ್ ಆಗಿದೆ. ಅದರಲ್ಲೂ ಡಾ.ರಾಜ್‌ಕುಮಾರ್ ಮತ್ತು ಡಾ.ವಿಷ್ಣುವರ್ಧನ್ ನಟನೆಯ ಚಿತ್ರಗಳು ಹೊಸ ರೂಪದೊಂದಿಗೆ ರೀ ರಿಲೀಸ್ ಆಗುತ್ತಿರುವುದು ವಿಶೇಷ.
ರಾಜ್ ಅಭಿನಯದ 'ರಾಜ ನನ್ನ ರಾಜ', ವಿಷ್ಣು ವರ್ಧನ್ ಅವರ 'ಸಾಹಸ ಸಿಂಹ' ಚಿತ್ರಗಳು ಫೆಬ್ರವರಿಯಲ್ಲಿ ಬಿಡುಗಡೆ ಆಗುತ್ತಿದ್ದು, ಅದಕ್ಕಾಗಿ ಈಗಾಗಲೇ ಮೂವತ್ತು ಥಿಯೇಟರ್‌ಗಳನ್ನು ಬುಕ್ ಮಾಡಲಾಗಿದೆ.
'ಹಣ ಮಾಡುವ ಉದ್ದೇಶದಿಂದ ಈ ಸಿನಿಮಾಗಳನ್ನು ಬಿಡುಗಡೆ ಮಾಡುತ್ತಿಲ್ಲ. ಅಭಿಮಾನಕ್ಕೋಸ್ಕರ ಇಂತಹ ನಿರ್ಧಾರ ತೆಗೆದುಕೊಂಡಿದ್ದೇವೆ. ಎರಡು ಚಿತ್ರಗಳ ರಿಲೀಸ್‌ಗೆ ಐವತ್ತು ಲಕ್ಷಕ್ಕೂ ಹೆಚ್ಚು ಹಣ ಖರ್ಚಾಗಲಿದೆ' ಅಂತಾರೆ ಎರಡೂ ಚಿತ್ರಗಳನ್ನು ಬಿಡುಗಡೆ ಮಾಡುತ್ತಿರುವ ರಾಜು ಮತ್ತು ಆನಂದ್‌ಕುಮಾರ್.
ಇನ್ನೊಂದು ವಿಶೇಷವೆಂದರೆ, ಈ ಮಹಾನ್ ನಾಯಕರ ತಲಾ ಒಂದೊಂದು ಚಿತ್ರಗಳು ಅನಿಮೇಷನ್ ರೂಪದಲ್ಲೂ ನಿರ್ಮಾಣ ಆಗುತ್ತಿವೆ. ವಿಷ್ಣು ಅವರ ನಾಗರಹಾವು ಈಗಾಗಲೇ ಸಿದ್ಧವಾಗಿದೆ. ರಾಜ್‌ಕುಮಾರ್‌ರ ಭಕ್ತ ಅಂಬರೀಷ ಸಿನಿಮಾ ಇನ್ನಷ್ಟೇ ಕೆಲಸ ಆರಂಭಿಸಬೇಕಿದೆ.
↧
ಹಳೆಯ ಸಿನಿಮಾಗಳಿಗೆ ಮತ್ತೆ ಡಿಮಾಂಡ್
↧