ಕುಮಾರೇಶ್‌ ನಿರ್ದೇಶನದ ಹೊಸ ಚಿತ್ರದಲ್ಲಿ ಚೇತನ್‌ ಮೇಘನಾರಾಜ್‌ ಜೋಡಿಯಾಗಿ ಕಾಣಿಸಿಕೊಂಡಿದ್ದಾರೆ. ರೆಟ್ರೋ ಸ್ಟೈಲ್‌ನಲ್ಲಿರುವ ಚಿತ್ರದಲ್ಲಿ ಸುಂದರವಾದ ಕತೆ ಇದೆ ಎಂದಿದ್ದಾರೆ ಚೇತನ್‌. ಇದರ ಜತೆ ಇನ್ನೂ ಎರಡು ಚಿತ್ರಗಳಿಗೆ ಸಹಿ ಮಾಡಿದ್ದಾರೆ. 'ಮರಾಠಿ ಕಾದಂಬರಿಯನ್ನು ಸಿನಿಮಾ ಮಾಡಿದ್ದಾರೆ ನಿರ್ದೇಶಕ ಕುಮಾರೇಶ್‌. ಸ್ಕ್ರಿಪ್ಟ್‌ ಇಷ್ಟವಾಗಿದ್ದರಿಂದ ಒಪ್ಪಿಕೊಂಡೆ' ಎಂದಿದ್ದಾರೆ ಚೇತನ್‌. ಜೀವನದಲ್ಲಿ ಮೊದಲ ಆದ್ಯತೆ ಸಾಮಾಜಿಕ ಕೆಲಸಗಳಿಗೆ ಕೊಡುತ್ತಾ ಬಂದಿದ್ದಾರೆ ಚೇತನ್‌. ಇತ್ತೀಚೆಗೆ ಮಡಿಕೇರಿಯಲ್ಲಿ ನಡೆದ ಸಾಮಾಜಿಕ ಹೋರಾಟದಲ್ಲಿ ಅವರು ಭಾಗಿಯಾಗಿದ್ದರು. 'ಸಾಮಾಜಿಕ ಕೆಲಸಗಳೆಂದರೆ ನನಗೆ ಮೊದಲಿನಿಂದ ಇಷ್ಟ. ಕೆಲ ವರ್ಷ ಹೋರಾಟಗಾರನಾಗಿ ರಾಜ್ಯಾದ್ಯಂತ ತಿರುಗಾಡುತ್ತಿದ್ದೆ. ಸಮಯ ಸಿಕ್ಕಾಗ ನಟನೆಯತ್ತ ಗಮನ ಹರಿಸುತ್ತೇನೆ. ಸಿನಿಮಾಗೆ ಎರಡನೇ ಆದ್ಯತೆ ನೀಡುತ್ತೇನೆ. ಆಫರ್‌ಗಳು ಬರುತ್ತಲೇ ಇವೆ. ಒಳ್ಳೆಯ ಕತೆ ಇದ್ದು, ಸಮಾಜಕ್ಕೆ ಒಳ್ಳೆಯ ಸಂದೇಶ ನೀಡುವ ಕತೆಗೆ ಪ್ರಾಮುಖ್ಯೆತೆ ನೀಡುತ್ತೇನೆ' ಎನ್ನುತ್ತಾರೆ ಚೇತನ್‌. ಸಾಮಾಜಿಕ ಕಾರ್ಯಗಳಿಗಾಗಿ ಸಿನಿಮಾದಲ್ಲಿ ನಟಿಸುತ್ತಿರುವುದಾಗಿ ಅವರು ಹೇಳುತ್ತಾರೆ. ಬೇರೆಯವರ ಹಣದಲ್ಲಿ ಸೊಷಿಯಲ್‌ ಸರ್ವಿಸ್‌ ಮಾಡೋದಲ್ಲ. ಅವನು ಸಂಪಾದಿಸಿ ಹಣದಿಂದಲೇ ಅವನಂದುಕೊಂಡ ಕೆಲಸ ಮಾಡಬೇಕು ಅನ್ನೋದು ಅವರ ಸಿದ್ಧಾಂತ. ಮೈನಾ ಇವರ ಇಷ್ಟದ ಚಿತ್ರವಂತೆ. ಕಾಲು ಇಲ್ಲದ ಯುವತಿಗೆ ಬಾಳು ನೀಡುವ ನಾಯಕನ ಪಾತ್ರ ತುಂಬಾ ಇಷ್ಟವಾಯಿತು ಎನ್ನುತ್ತಾರೆ. ಚೇತನ್‌ ಮಹೇಶ್‌ ಬಾಬು ನಿರ್ದೇಶನ ಚಿತ್ರದಲ್ಲೂ ನಟಿಸುತ್ತಿದ್ದಾರೆ. ಈ ಚಿತ್ರದ ಕತೆಯೂ ಚೆನ್ನಾಗಿದೆ ಎಂದಿದ್ದಾರೆ.
↧
ನೂರೊಂದು ನೆನಪಲ್ಲಿ ಚೇತನ್‌
↧
