ಹೈದರಾಬಾದ್‌: ಇನ್ಫೋಸಿಸ್‌ನ ಸಿಇಒ ವಿಶಾಲ್‌ ಸಿಕ್ಕಾ ಉತ್ತಮವಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಹೀಗಿದ್ದರೂ ಪ್ರಬಲ ನಾಯಕರೊಬ್ಬರ ಅಗತ್ಯ ಇದೆ ಎಂದು ಕಂಪನಿಯ ಮಾಜಿ ಮುಖ್ಯ ಹಣಕಾಸು ಅಧಿಕಾರಿ ಟಿ.ವಿ ಮೋಹನ್‌ದಾಸ್‌ ಪೈ ಹೇಳಿದ್ದಾರೆ. ಎನ್‌ಆರ್‌ ನಾರಾಯಣ ಮೂರ್ತಿಯವರು ಕಂಪನಿಯ ಸ್ಥಾಪಕರೇ ಸಿಇಒ ಆಗಬೇಕು ಎಂದು ಬಯಸುತ್ತಿದ್ದರು. ಇದರ ಪರಿಣಾಮವೇ ಹಲವಾರು ನಾಯಕರು ಕಂಪನಿಯನ್ನು ತ್ಯಜಿಸುವಂತಾಯಿತು ಎಂದು ಪೈ ಹೇಳಿದರು. 'ಇನ್ಫೋಸಿಸ್‌ನಲ್ಲಿ ನಡೆಯುತ್ತಿರುವ ವಿದ್ಯಮಾನಗಳು ನನಗೆ ತುಂಬ ನೋವು ಉಂಟು ಮಾಡಿದೆ. ನಾವೆಲ್ಲ ನಮ್ಮ ಜೀವನದ ಮುಖ್ಯ ಭಾಗವನ್ನು ಇನ್ಫೋಸಿಸ್‌ನ ಏಳಿಗೆಗೆ ವಿನಿಯೋಗಿಸಿದ್ದೆವು' ಎಂದು ಪೈ ಹೇಳಿದರು. ಮೋಹನ್‌ದಾಸ್‌ ಪೈ ಕಂಪನಿಯ ಸ್ಥಾಪಕರಲ್ಲದಿದ್ದರೂ, 17 ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರು. 2011ರಲ್ಲಿ ಇನ್ಫೋಸಿಸ್‌ ಅನ್ನು ತೊರೆದಿದ್ದರು.
↧
ಇನ್ಫಿಗೆ ಪ್ರಬಲ ನಾಯಕರ ಅಗತ್ಯ ಇದೆ: ಪೈ
↧