ಲಂಡನ್‌: ಬಹು ನಿರೀಕ್ಷೆಯ ವಿಶ್ವದ ದುಬಾರಿ ಸ್ಮಾರ್ಟ್‌ಫೋನ್‌ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾದ ಆ್ಯಂಡ್ರಾಯ್ಡ್‌ ಮೊಬೈಲ್‌ಫೋನ್‌ 'ಸೋಲರಿನ್‌' ಅನ್ನು ಇಸ್ರೇಲ್‌ನ ಸ್ಟಾರ್ಟಪ್‌ ಸಿರಿನ್‌ ಲ್ಯಾಬ್ಸ್‌ ಅಧಿಕೃತವಾಗಿ ಬಿಡುಗಡೆ ಮಾಡಿದೆ. 'ರೋಲ್ಸ್‌ ರಾಯ್ಸ್‌ ಆಫ್‌ ಸ್ಮಾರ್ಟ್‌ಫೋನ್ಸ್‌' ಎಂದು ಗುರ್ತಿಸಿಕೊಂಡಿದ್ದ ಈ ಸ್ಮಾರ್ಟ್‌ಫೋನ್‌ ಅನ್ನು ಲಂಡನ್‌ನಲ್ಲಿ ಬಿಡುಗಡೆ ಮಾಡಲಾಗಿದೆ. ಫೋನ್‌ ಹಿಂದಿನ ಸೆಕ್ಯೂರಿಟಿ ಸ್ವಿಚ್‌ ಅನ್ನು ಒತ್ತುವ ಮೂಲಕ ಫೋನ್‌ ಅನ್ನು ಅ್ಯಕ್ಟಿವೇಟ್‌ ಮಾಡಬಹುದು. 5.5 ಇಂಚಿನ ಐಪಿಎಸ್‌ ಎಲ್‌ಇಡಿ 2ಕೆ ರೆಸಲ್ಯೂಷನ್‌ ಸ್ಕ್ರೀನ್‌, ಕ್ವಾಲ್‌ಕಾಮ್‌ ಸ್ನ್ಯಾಪ್‌ಡ್ರ್ಯಾಗನ್‌ 810 ಪ್ರೊಸೆಸರ್‌, 23.8 ಎಂಪಿ ಹಿಂಬದಿ ಕ್ಯಾಮೆರಾವನ್ನು ಇದು ಒಳಗೊಂಡಿದೆ. ಸೈಬರ್‌ ದಾಳಿ ತಡೆಯಬಲ್ಲ ಅತ್ಯಾಧುನಿಕ ಸುರಕ್ಷೆಯ ತಾಂತ್ರಿಕತೆಯನ್ನು ಫೋನ್‌ ಒಳಗೊಂಡಿದೆ ಎಂದು ಕಂಪನಿ ಹೇಳಿಕೊಂಡಿದೆ.
ಇದರ ದರ 14,000 ಡಾಲರ್‌(9 ಲಕ್ಷ ರೂಪಾಯಿಗೂ ಹೆಚ್ಚು).
↧
ಸ್ಮಾರ್ಟ್‌ಫೋನ್‌ ದರ ಕೇವಲ 9 ಲಕ್ಷ ರೂಪಾಯಿ!
↧