ಮಹಿಳೆಯರಲ್ಲಿ ಕೂದಲು ಉದುರುವಿಕೆಯು ಅನುವಂಶಿಕವಾಗಿರುತ್ತದೆ. ಈ ಬಗ್ಗೆ ಟ್ರೈಕಾಲಜಿಸ್ಟ್‌ ಡಾ.ಶಾಹೀದ್‌ ಶಂಶೀರ್‌ ಇಲ್ಲಿ ವಿವರಿಸಿದ್ದಾರೆ. *ಮಹಿಳೆಯು ಬೊಕ್ಕತಲೆಯನ್ನು ತನ್ನ ತಂದೆಯಿಂದ ಬಳುವಳಿಯಾಗಿ ಪಡೆಯುತ್ತಾಳೆಯೇ? ಮಹಿಳೆಯು ಅರ್ಧ ತಂದೆ ಮತ್ತು ಇನ್ನರ್ಧ ತಾಯಿಯ ಜೀನ್‌ ಅನ್ನು ಹೊಂದಿರುತ್ತಾಳೆ. ಆದ್ದರಿಂದ ಬೊಕ್ಕತಲೆ ಉಂಟಾಗುವ ಸಾಧ್ಯತೆ ಶೇ. 50ರಷ್ಟು ಇರುತ್ತದೆ. ವಾಸ್ತವವಾಗಿ ಮಹಿಳೆ ಮತ್ತು ಪುರುಷರಲ್ಲಿ ಬೊಕ್ಕತಲೆ ಉಂಟಾಗುವ ಪ್ರಮಾಣವು ಸಮಾನವಾಗಿರುತ್ತದೆ. ಆದರೂ ಮಹಿಳೆಯರ ಪ್ರಕರಣಗಳಲ್ಲಿ ಬೊಕ್ಕತಲೆಯು ಸಾಮಾನ್ಯವಾಗಿ ಪತ್ತೆಯಾಗುವುದಿಲ್ಲ. *ಯಾಕೆ ಹೀಗೆ? ಯಾಕೆಂದರೆ ಅನೇಕ ಮಹಿಳೆಯರು ತಮ್ಮ ಪೋಷಕರಿಂದ ಬೊಕ್ಕತಲೆಯ ಜೀನ್‌ ಅನ್ನು ಬಳುವಳಿಯಾಗಿ ಪಡೆದುಕೊಂಡಿರುವುದಿಲ್ಲ ಎಂದು ಯೋಚಿಸುತ್ತಾರೆ. ವಾಸ್ತವಾಗಿ ಮಹಿಳೆಯರು ಕೂಡ ಪೋಷಕರ ಜೀನ್‌ ಅನ್ನು ಹೊತ್ತುಕೊಂಡೇ ಬರುತ್ತಾರೆ. ಅದಾಗ್ಯೂ ಇತ್ತೀಚೆಗೆ ಮಹಿಳೆಯರಲ್ಲಿ ಕೂಡ ವೇಗವಾಗಿ ಮತ್ತು ಸಣ್ಣ ವಯಸ್ಸಿನಲ್ಲಿಯೇ ಬೊಕ್ಕತಲೆ ಉಂಟಾಗುವುದನ್ನು ಗಮನಿಸಬಹುದು. *ಯಾಕೆ ಹೀಗಾಗುತ್ತದೆ? ಈ ಹಿಂದೆ ಪುರುಷರು ಮಾತ್ರ ಬಹುತೇಕ ಎದುರಿಸುತ್ತಿದ್ದ ಒತ್ತಡ, ಪ್ರಯಾಣ, ನೀರು ಬದಲಾವಣೆ ಮೊದಲಾದ ಸಮಸ್ಯೆಗಳನ್ನು ಮಹಿಳೆಯರು ಕೂಡ ಇಂದು ಎದುರಿಸುತ್ತಿದ್ದಾರೆ. ಈ ಮೂಲಕ ಮಹಿಳೆಯರು ಕೂಡ ವೇಗವಾಗಿ ಮತ್ತು ಅತಿ ಹೆಚ್ಚಿನ ಪ್ರಮಾಣದಲ್ಲಿ ಕೂದಲು ಉದುರವಿಕೆಗೆ ಪ್ರಚೋದನೆ ನೀಡುವಂತಹ ಪರಿಸರಕ್ಕೆ ಮೈ ಒಡ್ಡುತ್ತಿದ್ದಾರೆ. ಜತೆಗೆ ಪುರುಷರು ನಿರ್ವಹಿಸುವಂತಹ ಪಾತ್ರವನ್ನು ಮಹಿಳೆಯರು ಕೂಡ ನಿರ್ವಹಿಸುತ್ತಿರುವುದರಿಂದ ಬೊಕ್ಕತಲೆ ಉಂಟಾಗುವ ಪ್ರಮಾಣ ಕೂಡ ಹೆಚ್ಚಾಗುತ್ತಿದೆ ಎಂದೆನಿಸುತ್ತದೆ.
↧
ಮಹಿಳೆಯರಲ್ಲೂ ಪೋಷಕರ ಜೀನ್‌ ಪತ್ತೆ
↧