ಉತ್ತರಾಣಿಯ ಉಪಯೋಗ

-ಸುಚೇತಾ ಜಯರಾಮ್‌

ಈ ಗಿಡವು ಮಳೆಗಾಲದ ಪ್ರಾರಂಭದಲ್ಲಿ ಹುಟ್ಟುತ್ತದೆ . ಇದರ ಎಲೆಗಳು ದುಂಡಗಿದ್ದು , ತೆನೆಯಲ್ಲಿ ಹೂವು ಮತ್ತು ಕಾಯಿ ಬಿಡುತ್ತದೆ. ತೆನೆಯಲ್ಲಿನ ಕಾಳನ್ನು ಉತ್ತರಾಣಿ ಅಕ್ಕಿ ಎಂದು ಕರೆಯುವರು . ಇದರಲ್ಲಿ 2 ರೀತಿಯ ಕಡ್ಡಿಯಿದ್ದು ಬಿಳಿ ಮತ್ತು ಕೆಂಪು ಬಣ್ಣದ್ದು . ಗರ್ಭಿಣಿಯರು ಉತ್ತರಾಣಿಯನ್ನು ಬಳಸಬಾರದು. ಇದರ ಕೆಲವು ಉಪಯೋಗಗಳು ಇಲ್ಲಿವೆ.

ಉತ್ತರಾಣಿಯ ಹಸಿ ಕಡ್ಡಿಯನ್ನು ಜಗಿದು ಕುಂಚದಂತೆ ಮಾಡಿ ಹಲ್ಲುಜ್ಜಿದರೆ ಮುಖ ಶುದ್ಧಿಯಾಗಿ ದಂತರೋಗಗಳು ನಾಶವಾಗುತ್ತವೆ.

ಮೂಲವ್ಯಾಧಿಯಲ್ಲಿ ರಕ್ತಸ್ರಾವ ಇದ್ದರೆ ಉತ್ತರಾಣಿ ಎಲೆಗಳನ್ನು ಜಜ್ಜಿ ಎಳ್ಳೆಣೆಯಲ್ಲಿ ಕಲಸಿ ಹಚ್ಚಿದರೆ 7 ದಿನಗಳಲ್ಲಿ ರಕ್ತಸ್ರಾವ ಮತ್ತು ಮೂಲವ್ಯಾಧಿ ಕಡಿಮೆಯಾಗುತ್ತದೆ.

1 ಚಮಚ ಉತ್ತರಾಣಿಯ ಬೇರಿನ ಪುಡಿಗೆ 1/4 ಚಮಚ ಕಾಳು ಮೆಣಸು ಮತ್ತು 1 ಚಮಚ ಜೇನುತುಪ್ಪವನ್ನು ಕಲಸಿ 2 ಬಾರಿ ಸೇವಿಸಿದರೆ ಕೆಮ್ಮು ನಿವಾರಣೆಯಾಗುತ್ತದೆ .

ಉತ್ತರಾಣಿ ಎಲೆಯ ಪುಡಿ 1ಚಮಚಕ್ಕೆ 1 ಚಮಚ ಜೇನುತುಪ್ಪ ಬೆರೆಸಿ ಸೇವಿಸಿದರೆ ಭೇದಿ ನಿಲ್ಲುತ್ತದೆ.

ಉತ್ತರಾಣಿ ಎಲೆಯ ರಸದಿಂದ ಗಾಯವನ್ನು ತೊಳೆದರೆ ಗಾಯ ಬೇಗ ಮಾಯುತ್ತದೆ.