ಹೊಸದಿಲ್ಲಿ: ರಾಜಕಾರಣಿಯಾಗಿ ಬದಲಾದ ಅಧಿಕಾರಿ ಎನ್‌.ಕೆ.ಸಿಂಗ್‌ ಅವರು ಜಪಾನ್‌ ಸರಕಾರದ ಎರಡನೇ ಅತ್ಯುನ್ನತ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಕಳೆದ ಕೆಲವು ದಶಕಗಳಲ್ಲಿ ಭಾರತ-ಜಪಾನ್‌ ಆರ್ಥಿಕ ವ್ಯವಹಾರ ಗಟ್ಟಿಗೊಳಿಸಲು ಸಿಂಗ್‌ ನೀಡಿದ ಕೊಡುಗೆ ಪರಿಗಣಿಸಿ 'ದಿ ಆರ್ಡರ್‌ ಆಫ್‌ ದಿ ರೈಸಿಂಗ್‌ ಸನ್‌, ಗೋಲ್ಡ್‌ ಅ್ಯಂಡ್‌ ಸಿಲ್ವರ್‌ ಸ್ಟಾರ್‌' ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಪ್ರಧಾನಿ ಶಿನ್ಜೊ ಅಬೆ ಅವರು ಟೋಕಿಯೊದಲ್ಲಿ ಮೇ 10ರಂದು ನಡೆಯಲಿರುವ ಸಮಾರಂಭದಲ್ಲಿ ಪ್ರಶಸ್ತಿ ವಿತರಣೆ ಮಾಡಲಿದ್ದಾರೆ. ಮಾರುತಿ-ಸುಜುಕಿ ಮತ್ತು ಜಪಾನ್‌ನ ಇತರೆ ಕಂಪನಿಗಳು ಭಾರತದಲ್ಲಿ ಹೂಡಿಕೆ ಮಾಡುವ ಸಂಬಂಧ ಸಿಂಗ್‌ ಅವರ ಕೊಡುಗೆ ದೊಡ್ಡದು. 75 ವರ್ಷದ ಹಿರಿಯ ರಾಜಕಾರಣಿ, ಅರ್ಥತಜ್ಞ, ನಿವೃತ್ತ ಅಧಿಕಾರಿಯಾಗಿರುವ ಸಿಂಗ್‌, ಇತ್ತೀಚಿನ ವರೆಗೆ ರಾಜ್ಯಸಭೆ ಸದಸ್ಯರಾಗಿದ್ದರು.
↧
ಎನ್‌.ಕೆ.ಸಿಂಗ್‌ಗೆ ಜಪಾನ್‌ನ ಪ್ರತಿಷ್ಠಿತ ರಾಷ್ಟ್ರೀಯ ಪುರಸ್ಕಾರ
↧