ಮುಂಬಯಿ: ಮುಂಬಯಿ ಷೇರು ಮಾರುಕಟ್ಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್‌ ಬುಧವಾರ ಬರೋಬ್ಬರಿ 438 ಅಂಕಗಳ ಜಿಗಿತ ದಾಖಲಿಸಿದ್ದು, ಹೂಡಿಕೆದಾರರ ಸಂಪತ್ತಿನಲ್ಲಿ 1.62 ಲಕ್ಷ ಕೋಟಿ ರೂ. ಏರಿಕೆಯಾಯಿತು. ಅಮೆರಿಕದಲ್ಲಿ ಬಡ್ಡಿ ದರಗಳನ್ನು ಹಂತ ಹಂತವಾಗಿ ಏರಿಸಲಾಗುವುದು ಎಂಬ ಫೆಡರಲ್‌ ರಿಸವ್‌ರ್‍ ಮುಖ್ಯಸ್ಥೆ ಜನೆಟ್‌ ಎಲೆನ್‌ ಹೇಳಿಕೆಯು ಜಾಗತಿಕ ಷೇರು ಪೇಟೆ ಮೇಲೆ ಸಕಾರಾತ್ಮಕ ಪ್ರಭಾವ ಬೀರಿತು.
ಕಳೆದ ಎರಡು ದಿನಗಳಲ್ಲಿ ನಷ್ಟದಲ್ಲಿದ್ದ ಸೂಚ್ಯಂಕ 438.12 ಅಂಕ ಏರಿಕೊಂಡು, 25,338.58ಕ್ಕೆ ಸ್ಥಿರವಾಯಿತು. ಡಾಲರ್‌ ಎದುರು ರೂಪಾಯಿ ಕೂಡ 17 ಪೈಸೆ ಚೇತರಿಕೆ ಕಂಡಿತು (66.37) ನಿಫ್ಟಿ 138.20 ಅಂಕ ಚೇತರಿಸಿಕೊಂಡು 7,735.20ಕ್ಕೆ ಸ್ಥಿರವಾಯಿತು.
ರಿಯಾಲ್ಟಿ, ಬ್ಯಾಂಕಿಂಗ್‌ ಮತ್ತು ಲೋಹ ವಲಯದ ಷೇರುಗಳು ಲಾಭ ಗಳಿಸಿದವು. ಟಾಟಾ ಸ್ಟೀಲ್‌ ಷೇರು ಶೇ.6.75ರಷ್ಟು ಏರಿತು. ಐಸಿಐಸಿಐ ಬ್ಯಾಂಕ್‌ ಶೇ.6.31, ಲುಪಿನ್‌ ಶೇ.5.21, ಟಾಟಾ ಮೋಟಾರ್‍ಸ್ ಶೇ.4.32, ಎಸ್‌ಬಿಐ ಶೇ.4.25ರಷ್ಟು ಲಾಭ ದಾಖಲಿಸಿತು.
↧
ಸೆನ್ಸೆಕ್ಸ್‌ 438 ಅಂಕ ಜಿಗಿತ
↧
